بأجر بروح الجامعه بسجل موعدي وبرتب جدولي. على كثر ما أنا متحمسه ان مابقالي شي ويتخرج ، احس ان ماودي أداوم.
خصوصا من بعد ما وقفت سمسترين وماعندي احد من صديقاتي.
معضمهم تخرجوا وقليل بس باقلهم مشروح تخرج. وما انكر واعترف ان الكل ضعفت علاقتي معاهم بسبب أني وقفت جامعه لمدة سنه واني انقطعت عن العالم الخارجي وبنات الجامعه فجاه وبشكل كلي.

دائما الاقي نفسي ضعفه في أني أتقبل ان احد يكون صداقة معاي وصعب جداً اني اكون صداقات.

حياتي تغيرت وايد بوجود زوجي وبنتي وأهل زوجي اهتماماتي تغيرت ووقتي صار جداً محدود ووقت فراغي قصير.

بكتب خططي للسمستر الياي والأيام الجايه قبل لا اروح وأسجل موادي بأجر:
- ان شاء الله اني برتب جدولي بحيث انه يكون مريح ويناسبني. والقى المدرسي اللي أعرفهم عشان يساعدوني وينجحوني لووول
-ببذل كل جهدي بدراستي عشان انجح وارفع ال جي بي أ
- بسويلي جدول امشي عليه. عشان ما اظلم لا بنتي ولا زوجي وا اهلي
- حاول بقدر الإمكان أني اكون صداقات واتسلى في وقت فراغي
- أكيد ان في كل ويك اند بتلاقى بصديقات الطفولة والدراسه وهذا يعني أني بحافظ على هالصداقه وبقهويها
- ان شاء الله بنتي ماتتعب بغيابي في الجامعه وتسمع كلامي ولا تتعبني ياااااااارب!!!

خلني أوقف وأكون قنوعه بتمنياتي وينفع مهاب قانون الجذب.
وان شاء الله انه بينفع بإذن الله

وراي قومه من الصبح بأجر.

قود نخت

اللولو المنثور
Xoxo

‏​الحصري ‏​ (*)

قصر الإمـَآرآتـْ يعتذر ۶ـن أغلى شجرة ميلاد فالعالم ،،،


http://www.elaph.com/Web/news/2010/12/619886.html?entry=newsgulf

وعاشت بلادي الامارت


فلتفخرؤو يـَآ أهل العززز



‏​قدم خليفه الخوري اعتذاره لجميع الأمه العربيه المسلمه على الغلطه التي اقترفها وهو غير مدركا العواقب الوخيمه من جراء عمله هذا وإنشاء الله غدا الساعه الخامسه ‏​​​مساء سوف يتم أزاله تلك الشجره من قصر الأمارات وسيكون البث مباشرا على قناه الأمارات

اكبر وأغلى شجرة كريسمس.
الله عالعقل.
بدلا أن تحتوي بلادنا افضل ميتم أطفال نفتخر فيه فالعالم طلعنا بأكبر واغلى شجرة كريسمس مرصعه بالألماس تفوق ١١ مليون دولااااااار!!ع
الشعب محتج ومقهور الا سعادة صاحب المجوهرات الخوري. يتحجج انها مجرد دعاية.

البرودكات عن انتقاد شجرة كريسمس وصاحبها خوري متوقفا من امس. و بنت عم خوري ترسل برودكاست تتكلم فيه عن جهلنا في الدين وبان عمها يسعى في شغله. وانا نحت حسودين وغيورين. وانا ما انكر هالشي. وأوضح ان عيوننا على ديننا وعاداتنا وتقاليدنا، نحب ترتقي ونحب ان دولتنا تتميز بس بدون لا ننسى اللي تربينا عليه. الأجانب اللي هو هذا دينهم ماسوو اللي سويته. وفوق هذا خليتنا اظحوكه عند الغرب. يتساؤلوون كييييف اشهر شجرة كريسمس موجوده في بلاد عربيه

صديقتي في امريكا عيالها يصيحوون يحنون عليها انها تشتري شجرة كرسمس ويزينونها مثل كل أصدقائهم اللي في المدرسة وحلقت يمين انها ماتدخل البيت


ان شاء الله حد يتحرك ويقول شي ونفتك من
هالكابوس.

Dec 21 خلني اعيش سعيدة

مرحبا جميعا

اشتقتلكم!

اليوم بديت يومي غير

بوجه مبتسم و بروح جديدة

عرفت ان اللي يبي يعيش حياته بسعاده بيلقى كل مليون شي يفرحه

وعرفت ان اللي يبي يعيش حياته كئيب بيطلع مليون سبب يخليه تعيس

خلني اعيش سعيدة..

قمت اليوم بكل حماس ونشاط.. شلت بنتي وهيه نايمه حطيتها جنبي بالسرير وصحيتها شوي شوي وانا ابوسها واحضنها،،

نزلنا لحديقة البيت وفطرنا ،، اشوفها تلعب وتركض ورى الكورة وتشوتها وتناديني ماما ماما وانا كل مره اصورها وارسل صورة لأبوها

يتصل ابوها وأرد عليه.. وبين كل سالفه وسالفه يردد لي كلامه: لوتدرين كم انا فرحان ومستانس

تدخل عمتي الحوش، ومعاها أمها ( أمي العوده)

أمي العوده انسانه احبها وايد سوالفها تضحك وتونس،، حجمها صغير وصوتها واطي وايد.. سمعها ضعيف

هيه كبيره في السن وايد.. ومرات تيها حالات تنسى وايد ،، ونحن كل دقيقه نذكرها بأسامينا

أقولكم عن سالفه،،، بتهلكون من الضحك مره رحنا أنا وحمد لبيت أمي العودة نسلم عليها سلام الجمعه

سلمنا عليها وقعد حمد عدالها وانا مجابلتهم

حمد يسولف معاها ويضحك.. ويقولها عن شطانة بنتنا عليا

حمد: يدوه تذكرينها بنتي عليا..؟؟

أمي العوده تطالع حمد واطالعني

وتأشر علي وتقول: هيييييييييه ماشاالله ،، بنتك كبرت واستوت حرمه

انا هنيه كنت بموت من الظحك

وحمد يقول لااااااااااااا يدوووه هذي حرمتي مش بنتي!!!

وانا من يومها انادي حمد بابا لوووول

حمد يستانس لما اناديه بابا بس يعصب لما اناديه بابا العود لووووووول

مل هالمواقف وهالذكريات مع حمد وأهله تحسسني بالسعاده

وخلني اقولكم الحين أحلام سعيدة حبايبي سي يو تومورو احبكم جميعا

اين رحلت؟

يا جنينا سكنت وروحي. اين رحلت.
لا حول ولا قوة الا بالله.
وانا لله وانا اليه راجعون

مشكلة في ادراج صورة من خلال الايفون. طلب مساعدة :(

مرحبا

ليش ما اقدر ادرج صورة من عندي من خلال الايفون؟
ممكن حد يساعدني؟؟

يااااااارب حد يرد ويعلمني

كذا مرة فتحت وحاولت اطلع اللي فخاطري.
كم حاولت اركب لمشاعري كلمات ماعرفت

اليوم يمكن لأني كسرت الصمت
وكلمتك
أنا حامل وفبطني بيبي منك

هو:شحالج
أنا وبصوت ماعرف الخير:بخير
هو:اخبار؟
: أنا حامل
هو:،،،،،،،،،،،،،،،،هاااه!!!!
هو: ام كم؟؟
:شهر و أسبوعين
وبدون لا احس انهرت
صحت بكل حرقة قلب
بكل الظلم اللي حسيته وبحسه من ظلم
بكل ظلم اللي بسببه لعيالنا
دموعي كانت تنزل فكل مره المح فعيوني عليا بنتي
وهالبيبي الياي شو ذنبه؟ سالته..
الوو رد، لا تسكت.
بصوت مهزوز.: قلبي....
لا تقوول لي قلبي!!!
حمد؟ انت تحبني؟
لاتعذبني. انت زوجي. انا من لي؟.
اذا انت ماتحبني. خلني اولي. بس حرام هاليهال حمدد.
الووو حمممممد لاتحبني. بس عشان عيالك. دورلي حل

ويظل حمد ساكت.
حمد: انا ما احبج.
انا ما احبج!!!
والله وحلفتيني بالله. عيالج مايسوونج
لويخيرووني بينج وبينهم اقوول انتي

بس ساعديني يا ميثا. هذي مب عيشه. هذي مب حياه
انا تعبت. تفكير وهم. انتي امج ماتتعبج
انا اهلي كلهم علي رااسي
اممي تترجا وابوي كلام جارح
وبهالوضع انا اللي بخسر الكل
ومابيكون لي حد




اااااااه ياحمد لوتدري بغلاك
لو تدري بقلبي
وودي قبل لا تلمظ عينك اكون عندك
واحط راسي على صدرك
وارقد لو مرة وحده بدون تفكير


اكتب هالبلوق وانا دمووعي على خدي.
فوق كل الدموع اللي نزلت من نص ساعه
حبيت اكتب كل كلمه قلناها اليوم
ومايهمني اذا نزلت دموعي اكثر يوم بقراها

Testing my new iPhone :)

هذا ثالث يوم على فراقنا

الاحد 18 يوليو 2010

هذا ثالث يوم على فراقنا
هذا ثالث يوم على زعلنا
مرت ثلاث ايام على كلامنا الجارح لبعض
مرت ثلاث ايام ..

قمت اليوم الفجر، سويت حليبة لبنتي وحطيتها في ثمها
وقعدت اتأملها،، ملاك

رجعت للسرير، شفت التلفون متأمله اشوف مسج او مست كول او ايميل ولكان للأسف
عقلي: حبيبتي الحين هو مسافر مع ربعه تتوقعين يدقلج او حتى يفكر فيج؟
قلبي: اتأمل،، خلني اتأمل خير

مرت ساعتين من التفكير وقمت من السرير
لازم اليوم أطلع اغير جو
بس صديقتي الحبيبه دايما زوجها النحس يخرب علينا اناستنا
الساعه 12 ولازم الحق عالجامعه وصيت الخدامه على بنتي وطلعت مريت الجمعيه وخذت سندويشات وفطاير وعصاير
جمعت الخرده ووقفت عند صندوق التبرعات.. 1 اللهم اجعلها صدقه عن روح ابويه,,, 2 عن روح يدوتي،،3 عن روح عمي،، 4عن روح اخوي،5 عن روح ولد اختي،،
6 يارب يارب يارب تدفع البلا عني وعن امب وبنتي ،،،
6 يارب يارب يارب ترد شملي بزوجي تدري كم أحبه وتدري يحبني

انا وزوجي نحب بعض حب جنوني،، حب أبدي،، عادي امووت بدونه عادي يموت بدوني
بس من نجتمع مانقدر نقعد مع بعض

رحت الجامعه درسنا، ظحكنا، ابلتنا الهنديه تجنن تجننننننننننن
كلنا وشربنا مع بعض في الكلاس
على ماأتريا الدريول يوصل، لقيت مست كول
منو؟
زووجي
زوووووووووووووووووووووووجي
طوط طوط// احم// الو
هو: هلا.. شحالج
انا: بخير
هو: شحال بيبيتي
انا: الحمدلله
هدوووووووووووووووووووووووووووووووووووووووووووووووووووووء
انا: انت شحالك
هو: بخيرويتنهد ويسكتت وانا اسرح وأفكر وأدري به مثلي سرحان
شي في خاطرج
انا : سلامتك
وتنتهي المكالمة

ارجه البيت وانا في تفكير متواصل،، عن لقانا كيف بيكون ولين متى بنقعد على هالحال

ارجع افكر اطلع
وأرجع افكر بصديقتي الحبيبه وزوجها النحس

اليووووم الخميس
يوم الخميس اللي المفروض فيه أفرح وأستانس لأنه اليوم اللي تتجمع فيه أفراد العائله
بس اليوم وهاليوم بالذات حتى قوومة من الفرااش مابا أقوومها
اليوم الفجر المتبقي من أفراد العائله سافروا، وبقيت أنا وبنتي
أفراد العائلة الإحبااء وأاايد يخافون من الحسد ومااايقولون انهم بيسافروم إلا قبل السفر فليلة
الانسان ممكن يعبي عن البعيد ، بس قلة أدب شخص أنا عايش معاه أكل وأسرب معااه ما أقوولها
تصرفت بكل بروود لولو: يلا نحن نسلم علييج بكرا مسافرين ... لولو: تروحون وتردون بالسلامه وأكمل عشاا ةانا أشوف التيفي
يتضايقووون أنا ليش ما انصدمت، وليش مأسالت وين رائحين وكم بتقعدون ومتى بترجعوون
بس لي قاعده ماشية عليها في حياتي.. إذا الشخص اللي جدامي ودة يقوولي شيء بيقول بدون ما أسأله
بس إذا تتريووني أنا أسالكم أنسووووا
الناس يحسون تجاهي بالأسا ان العيشه اللي أعيشها ما يعيشها آدمي
نصايحهم وأيد تزيد،، و أسألتهم تكثر بس أنا ما اجاوب حد
صح اين افتقد وأيد من أساسيات الحياه بس مانسيت ربي والله ماينسى عباده
رافضه أرووح مع زووجي واستقر معاه هذي حياتي وأنا حرة بقراراتي
بيئ يوم وبنعيش فبيت واحد بس هاليوم أنا أقررة ومش أي فرد ثاني



جملة البارحه ظحكتنيييييييييييييييي يت من هالفرد الثاااني
لو انتي مع زوجج الحين جان انتي مساافره تتبردين
ليكون انتي متزوجه عشان تسافرين وبسس!!!

يومياتي بعد صلاتي،،

بعد ماعدت لله سبحانه وتعالى،
ماكنت أتوقع ان المعجزات تحصل لي، ألف الحمدلك يأرب
ماكان عقلي يتصور ان اللي فقلبي يوم من الأيام بيتحقق،، وان فيوم من الأيام برجع أعيش أيام طبيعيه مع عائلتي واعيش السعاده اللي حلمت بها ..
بكيت وأيد كيف الله قريب من عباده يستجيب دعائهم إذا دعوه،
سهرت وأيد، وصحت وأيد ودعيت وأيد
استغفرت وأيد وتبت وعدت لله..

مشاكلي انحلت ورجعت المياه لمجاريها..
شعور حسيته من قبل وهذي أنا أحسه للمرة الثانية، كآني زوجيه يديدة، بس هالمره زوجه يديدة بع بنت عمرها سنه هههه
...

اللهم ياحي ياقيوم يا واحد يا احد فرج هم كل زوجه، واهدي كل زوج عاصي، ورده لبيته وزوجته وعياله،،
اللهم اصرف عن ازواج المسلمات بنات الحرام
يارب تجعل كل زوجه قرة عين زوجها

ياااااااارب ياااااارب ياااااااااارب
كل بنت ما تخاف الله تبلي واحد متزوج وادمر حياته الزوجيه الله يبلييها
في حياااتها وعمرها وصحتهااا ويصرفها عننا وعن كل ازواج المسلمات ويردكيدها في نحرها


اللهم امين
اللهم امين
اللهم امين

اللهم أعني على ذكرك وشكرك

قمت وتمسحت، وصليت صلاة المغرب،
صليت بخشوع ودعيت الله يعينني على ذكرة وشكرة،
تعبت ، وضاقت الدنيا عليه، لين متى يعني بتم على هالحال، حياتي دمرت، عيشتي خربت،
كل شيء في حياتي يباله اعادة نظر، بداية في نفسي وقلبي اللي استوى مثل الحجر
من قلة الصلاه والذكر،
من أهلي اللي تعبو مني ولين متى بيصبروون
من بنتي اللي يبالها تربية، وحنان وعطف
من زوجي المبتعد في مدينه وأنا فمدينه وعنادنا ، ومن البيبي اللي فبطني اللي يا في هذيج الليلة
كانت ليلة نقاش، شوق لأيامنا اللي فاتت، كانت ليلة نقاش حاد لكل إغلاطنا
كانت ليلة زعل وبكا
وكانت ليلة حب

برجع لرب العالمين وبصلي وبذكر الله وبستعفر
وبدعي الله يصلح لي قلبي وديني والحياه اللي أنا عايشتها
بصلي وأيد، وبدعي وأيد، وبتوب وأيد

اللهم أعني على ذكرك وشكرك

هناك شخص في حياتي

هناك:

• شخص في حياتي، كثير التدخل، وكثير الانتقاد
• شخص في حياتي ليس خالي من العيوب، ويرى نفسه كاملا
• شخص في حياتي يحب التكبر ويعتبر نفسه اعلى عن الكل
• شخص في حياتي متواضع وحقع ضايع
• شخص في حياتي يحفظ اسرار غيره ولايحفظ اسراره
• شخص في حياتي يجيد حل مشاكل غيره ويفشل في حل مشاكلة

اففففف ياشييييينهم

sharks Shopping day!

السلاااااام عليكم ورحمة الله

فييا ظحكه كبييييييييره ودي انفجر... على الخبر اللي انتشر

اول شي الحمد لك يارب اليووم مارحت دبي مووول،،، ولا قربت منه

والا كان القرش كلني أكل!! لووول

يقول الخبر ان اكبر اكويريوم في العالم الموجود في دبي مووول انكسر..

والحين القروووش تتسوق في المول

شرطة دبي الحبيبة منعوا التصوير بس الصور وصلت مرفقه بالنكت والشماته

بكتب النكت اللي وصلتني على البيبي

--

بدوي سار دبي مول ليش؟

يدور على مالح

هاااااااااااااههههه

--

يعلن الفنانان الجسمي وراشدالماجد تصوير كليب "غرقان" في دبي مول

--

شرطة دبي تلقي القبض على عصابة مكونة من رميثات واهل بو مهير اثناء عملية تهريب بعض الاسماك من المول

ههههههههههههههههههههههههه

--

وحده معصبة كاتبة مسج تقول فيه

من فتح دبي مول محد قال كلمة حلوة عنه ومن انكسر بديتوا شماته

--

ياربي تحفظ ديارنا

<<< عقب شووو ههههه

أكرهكم

أحس بييني انهيار عصبي!
ما اتحمل ناس تكلمني بهالطريقه..
اكره الناس اللي تعاملك معاملة حسنه في وقت حاجتهم لك
واكرة اللي ينافق ، واللي كله من تحت لتحت
ما أقدر أعيش مع انسان كاذب ، ممكن اتحمل كل شي، البعد/ القسوة/ الجفاف/ إلا الكذب، ممكن أحاول أصلح هالصفات، بس الكذب لا،
اكرة الانسان اللي يشوف نفسه فوق الناس!

ما اعرف الأسلوب اللي لازم أكلمهم به، والكلام اللي أقولة، مرات أقول في خاطري: مسكين/ة
ومرات أعطي ظهري واسمعهم ظحكتي عليهم،
ومرات ومرات ومرات واغلب الأحيان اتصل لصديقتي وأشكيلها،

في بنات تقهر في للأسف موجودات في حياتي، لايمكن اتخصل أو أطنش تواجدهم يكون يوووومي!
ما أعرف كيف أوصفهم، مرضى استعفر الله،، ماعندهم سالفة غير ( الحسد وبيصكوننا بعيد والغيرة ) مادري والله على شو جمالج وإلا أخلاقج

خلاص بس بس مااقدر أتكلم أكثر

الأمثل =]

مرحبا جميعا،
جييييف حالكم،
بقولكم شيء يضحك في شخصيتي
في الجامعه وفي البيت بين اللي أعرفه واللي ما أعرفه، دائما أصور الهم شخصيتي باني الأمثل والاحسن
واني الانسانه اللي تحافظ على صحتها،
صح ان جسمي مثالي ، طولي 159 ووزني 55 ، بس دائما جدام الناس أحاسب على إكلي
والرياضة، واوووووونه ما أكل حلاوة
لا ! وأشجع البنات يلعبون رياضة، وأقولهم : مادري كيف عايشين بدون الرياضة =/..
وإذا كننا في كلاس نيوترشن ( تغذية صحية) اشتري ماي وجب نص المائ في الحمام وادخل الصف،
واكون أنا المثال الإعلى والمس دائما تمدحني وتقول للبنات شربووووووا ماااااااي
وارد: على فكرة ! هذي الزجاجه ال 3
لووووووول!! ما أدري ليش، أحب أكون برفكت جدام الناس،
هذا مايعني اين مزيفه، بس إذا طلعت بصورة أقل تيني كآبة :(
,, مثل بعض البنات اللي تحب تطلع بصورة المهملة، واونها دائما ترقد، ودائما كسلانه،،
أنا العكس =]

مرجع لي ولأيامي

السلام عليكم
بعد انقطاع رجعت الكم.. ولنفسي خارج النطاق المعروف،،

افضفض على كيفي،،،
بكتب كل اللي يخطر في بالي في اي وقت ودي اكتب فيه ، بكتب حتى الكلام اللي يمكن محد يفهمه الا نفسي

وأحفظ بهدة الصفحه كمرجع لي ولأيامي,,,

3>