مرحبا جميعا
اشتقتلكم!
اليوم بديت يومي غير
بوجه مبتسم و بروح جديدة
عرفت ان اللي يبي يعيش حياته بسعاده بيلقى كل مليون شي يفرحه
وعرفت ان اللي يبي يعيش حياته كئيب بيطلع مليون سبب يخليه تعيس
خلني اعيش سعيدة..
قمت اليوم بكل حماس ونشاط.. شلت بنتي وهيه نايمه حطيتها جنبي بالسرير وصحيتها شوي شوي وانا ابوسها واحضنها،،
نزلنا لحديقة البيت وفطرنا ،، اشوفها تلعب وتركض ورى الكورة وتشوتها وتناديني ماما ماما وانا كل مره اصورها وارسل صورة لأبوها
يتصل ابوها وأرد عليه.. وبين كل سالفه وسالفه يردد لي كلامه: لوتدرين كم انا فرحان ومستانس
تدخل عمتي الحوش، ومعاها أمها ( أمي العوده)
أمي العوده انسانه احبها وايد سوالفها تضحك وتونس،، حجمها صغير وصوتها واطي وايد.. سمعها ضعيف
هيه كبيره في السن وايد.. ومرات تيها حالات تنسى وايد ،، ونحن كل دقيقه نذكرها بأسامينا
أقولكم عن سالفه،،، بتهلكون من الضحك مره رحنا أنا وحمد لبيت أمي العودة نسلم عليها سلام الجمعه
سلمنا عليها وقعد حمد عدالها وانا مجابلتهم
حمد يسولف معاها ويضحك.. ويقولها عن شطانة بنتنا عليا
حمد: يدوه تذكرينها بنتي عليا..؟؟
أمي العوده تطالع حمد واطالعني
وتأشر علي وتقول: هيييييييييه ماشاالله ،، بنتك كبرت واستوت حرمه
انا هنيه كنت بموت من الظحك
وحمد يقول لااااااااااااا يدوووه هذي حرمتي مش بنتي!!!
وانا من يومها انادي حمد بابا لوووول
حمد يستانس لما اناديه بابا بس يعصب لما اناديه بابا العود لووووووول
مل هالمواقف وهالذكريات مع حمد وأهله تحسسني بالسعاده
وخلني اقولكم الحين أحلام سعيدة حبايبي سي يو تومورو احبكم جميعا
آنا بعد أحبج يا اللولو =*
ردحذفعسى الله يسعدج دنيا وآخره :)
ويخليلج زوجج وبنتج ويدتج وكل غالي على قلبج
صباح الخير امواج. شحالج وشخبارج ان شاء الله تمام.
ردحذفلو تدرين بفرحتي لمرورج وردج عالبلوق.
مشكورة حبيبتي
واميييين جميع ان شاء الله
ماشالله عليج ان شالله دوم مستانسه ،، وفعلا الواحد اهوه اللي يخلي نفسه سعيد او تعيس. صج انه فيه. ظروف حوالينا تتحكم فينا بس المفروض هالظروف ماتتغلب علينا وتهزمنا ،،، ولله يخليلج بنيتج وتييبين لها اخوان وخوات ... وايد مستانسه لج ولله
ردحذفمرحبا تكانه
ردحذفشحالج وشخبارج
الظروف تصادف كل انسان. نتالم وننكسر بس لولا الحزن مابنعرف طعم الفرحة. الحمدلله على كل حال
امين الله يسمع منج يارب. ويخليلج ناسج واحبابج
big hug to u dear
إن شاء الله دوم
ردحذففرحانة وسعيدة :)
آنا بعد ما أقدر أوصف فرحتي لما تنزلين بوست وأتطمن عليج وأعرف إنج بخير :)
وكل فترة أمر على بلوقج أشوف نسيتينا ولا ذاكرتنا :p
امواج.
ردحذفتطمنين علي؟ يعني في احد يحاتيني؟
حياااااااتي والله ماتقصرين فديتج
لاتخافين علي. أنا وعدت نفسي ان قد ما اقدر مااضيع عمري واسلمي في حزن او نكد. واني اكون إنسانه سعيدة وقنوعه وأكون مثال لبنوتتي
وأكيد أني دائما أذكركم ومابقطعكم بإذن الله.
Xoxo