الشحاته في المولات

السلام عليكم
تؤووو الحين أنا راكبه السيارة واكتب من البيبي
موضوع محيرني
كيف وشو يابها هنيه ؟؟ في المؤل تشحت! وتقول ولدها مريض عند دكتور في البريمي (منطقه في العين )
مسكتني وأنا عند الكاونتر وقالت لي انها تباني في خدمه قلت أمري
قالت أنا طائحه في العربة وولدي مريض عند دكتور في العين وصرفنا كل فلووسنا
اللي ورانا واللي جدامنا ومابقالنا شيء
عطيتها اللي الله كاتبنه الها
بس من راحت غني وأنا أفكر
يعني لو أنا مكانها شو بسوي ؟؟؟
بشحت وبطر ؟؟ و وين ؟
في المولات والمراكز ؟ ووين في مكان يبعد عن العين بساعه؟؟؟
يعني انتي مافكرتي تروحين دار البر ؟
بيت الخير ؟
أي مكان ممكن انه يقدم مساعدات
مافكرتي تروحين السفارة ؟
لا حول الله،، الناس وين عقولهم ،،
الله يهديها يارب
ويشافي ولدها
هذا أييذا إذاإاإاإا كان مريض بعد

اتعبك البعاد،،، واتعبتني

اشتقتلك
ياجارحي.. اشتقتلك

فبعادنا ياماسهرنا، ليالينا تبكي علينا
افراحنا ياما تعبت
من صدنا ،، من بعضنا

اتشتقتلي
حنيتلي كثير
وانااتجاهلك..

جرحتني. وجرحي كبير
من ثمان شهور،،، ينزفك!!

اتعبك البعاد واتعبتني
وارّقني الصوتك،، تنوح
ترتجي ،، موعد ونلتقي
ونتبادل لومنا لبعضنا،، ونبوح
وأوعدك

وتجي وانا،،أراقبك
من بعيد،،ابكي ،،وانوح
وتقوم وتلتفت
وتنتظر
وتنتظر

وتروح

مرحبا ملايين

سلام عليكم

اليوم حبيت ابدا مدونه لي خاصه بي وبافكاري وبيومياتي وخواطري اللي احب اعبر عنها واقولها

مادري من الفضاوه والا من كثر المشاعر واللخبطه الفكريه اللي اعاني منها

اتمنى اني اكون صداقات خااااارج نطاق حياتي اليوميه بناسها وكل افرادها

واعيش معاكم جو ثاني

واتواصل معاكم أكيد

الشي الثاني اللي ودي اكتب عنه هو " نفسي"

انا بنت و ام وطالبه في نفس الوقت

عمري 22 سنه

صغيره في السن مثل ما اشوف نفسي والكل اللي حولي ودهم يكبروووني

عايشه حياتي احيانا وودي اعيشها احيانا كثيره

حياتي بين بيت امي والجامعه وبنتي والنادي والاسواق وصديقاتي أكيد

يعني حياه طبيعيه

بس امر في مواقف بين زوايا حياتي وخفاياها غير طبيعيه ابدنننننن

بتتعجبون من اقولكم

وبس

بحاول الف وادور بين البلوقات واكون لي صداقات

يامرحبابكم ومرحبابي ملاااااايييييييييين الساع