مقهووووووووره مقهووووووووووره!!!!

احس بموت بختنق

ودي اصرخ باعلى صووت

ودي امسك حد واخنقه

في بنت كانت "كانت" من اقرب الناس لي فهالدنيا

كنا بالنسبه لبعض القلب والرووح

ماعرف كيف اوصف علاقتنا ببعض بس كانت قويه جددا

المهم كبرنا تزوجنا في نفس السنه

وحملنا وربينا في نفس السنه

سبحان الله

بعد زواجها قامت تتغير ... مع انها عايشه قصة حب مع زوجها الا انها كله توصف حياتها بانها مليانه مشاكل وزعل

وان زوجها منغص عليها حياتها

قبل كم يوم اتصلت لي تصيييح ،تنووح وتقول تعالي طلعيني قبل لا ارتبك فعيالي جريمه وكان الوقت متاخر وفي الاجازه

ومعروفه دبي بزحمتها وخصوصا في الاجازات ،، وهالسبب كان مخوفني ان زوجي مايرضا

بس بعد محاولات مني وافق بشرط اني ما اتأخر

المهم مريت عليها ،،، درنا فالشوارع كانت تتكلم وتصيح وتفضفض ،طلعت كل اللي فخاطرها لحد ما ارتاحت

سمعتها بكل طولة بال

ووقفت معاها حتى بالافعال الغلط اللي دارت بينها وبين زوجها بس عشان ترتاح

المهم المشكله مش هنيه

اليووووم اكتشفت ان الحبيبه عازمه كل بنات الشله ،، في كوفي paul ياكلون وجبة الافطار مع بعض

انا مش هذا اللي مضايقني ولاني بموووت على الاكل

انا اللي قاهرني ان لما سألووها البنات وييييييييين ميثا؟! ليش مش موجوووده

قالت :

يوووووه مافينا على المصلحه الاجتماعية... مسويه ام العرييف تعرض جميعالمشاكل الزوجيه مع حلولها

الحين انا آم العرييييف!

الحين انا استويت ما اتكلم الا عن المشكلات الزوجيه!!

انا صرت ممله وما انعزم على طلعات مع الشله

،الحين انتي تبين تلغيني منها

نسيتي؟؟

نسيتي اللي كان موجوود يسمعج للصبح اذا بغيتي

نسيتي اللي خلا كل شي وراه بس لانج ضعيفه وتحتاجين احد يكون يمج؟؟؟

الشرهه مش علييج

الشرهه علي انا اللي خليت ريلي وعيالي وطلعت عنهم عشان اتحمل صراخج والصياح والدمووع والسب

انا الغلطانه اللي عورت قلبي بالهم ادور القالج حل ترقعين موقفج مع ريلج

ما اقووول الا ياخسارة

خساره اني كنت صديقتج فيوم من الاياام

في كلام فخاطري كنت دايما اداريه لايبيَن
اداريه عن تطلعه عيوني.. او سكوني او حتى لما اسرح

الانسان لما يحب ،، ويحب بجنون،، تعمى عيونه.. ويشوف حبيبه ملاك
يشوفه الشمس اللي تنور له نهاره
والقمر اللي يحللَي سما ليله
يشوفه الضحكه ويشوفه الفرحه

لما حبيته
عطيته كل حياتي بكل اخلاص
قلبي ينبض عشانه
عشان اعيش واشوفه

بين ايديه أمنته كل عمري
ماكنت اخاف من شي،،
لأنه الفارس اللي لايمكن يسمح لحد يجرحني او لايمكن يسمح للدمعه انها تنزل

تدرون لما الواحد ينصدم بالواقع وينصدم انه أقرب الناس له يكون السبب في كل الجروح

رغم الأسف ورغم الإعتذار ورغم انه المياه ترجع لمجارها ... " في عينه"
يبقى شي في قلبي
نغزه صغير... تألم
يكلمي ويبتسم لي ويشاركني كل حياته بكل لحظاتها
وانا سرحانه
فعيونه اللي فيوم من الايام نظرت لي بغضب ،، او نظرت لي بكل برود
وبيدينه اللي فيوم مسكتني من كتوفي وهزتني

هل يمكن اثق فيه مثل قبل

بقدر اتعايش معاه مره ثانيه
واقنع نفسي ان المياه رجعت لمجاريها



بس لايمكن اسمح لنفسي اني اعيش تجربة الالم

بأجر بروح الجامعه بسجل موعدي وبرتب جدولي. على كثر ما أنا متحمسه ان مابقالي شي ويتخرج ، احس ان ماودي أداوم.
خصوصا من بعد ما وقفت سمسترين وماعندي احد من صديقاتي.
معضمهم تخرجوا وقليل بس باقلهم مشروح تخرج. وما انكر واعترف ان الكل ضعفت علاقتي معاهم بسبب أني وقفت جامعه لمدة سنه واني انقطعت عن العالم الخارجي وبنات الجامعه فجاه وبشكل كلي.

دائما الاقي نفسي ضعفه في أني أتقبل ان احد يكون صداقة معاي وصعب جداً اني اكون صداقات.

حياتي تغيرت وايد بوجود زوجي وبنتي وأهل زوجي اهتماماتي تغيرت ووقتي صار جداً محدود ووقت فراغي قصير.

بكتب خططي للسمستر الياي والأيام الجايه قبل لا اروح وأسجل موادي بأجر:
- ان شاء الله اني برتب جدولي بحيث انه يكون مريح ويناسبني. والقى المدرسي اللي أعرفهم عشان يساعدوني وينجحوني لووول
-ببذل كل جهدي بدراستي عشان انجح وارفع ال جي بي أ
- بسويلي جدول امشي عليه. عشان ما اظلم لا بنتي ولا زوجي وا اهلي
- حاول بقدر الإمكان أني اكون صداقات واتسلى في وقت فراغي
- أكيد ان في كل ويك اند بتلاقى بصديقات الطفولة والدراسه وهذا يعني أني بحافظ على هالصداقه وبقهويها
- ان شاء الله بنتي ماتتعب بغيابي في الجامعه وتسمع كلامي ولا تتعبني ياااااااارب!!!

خلني أوقف وأكون قنوعه بتمنياتي وينفع مهاب قانون الجذب.
وان شاء الله انه بينفع بإذن الله

وراي قومه من الصبح بأجر.

قود نخت

اللولو المنثور
Xoxo

‏​الحصري ‏​ (*)

قصر الإمـَآرآتـْ يعتذر ۶ـن أغلى شجرة ميلاد فالعالم ،،،


http://www.elaph.com/Web/news/2010/12/619886.html?entry=newsgulf

وعاشت بلادي الامارت


فلتفخرؤو يـَآ أهل العززز



‏​قدم خليفه الخوري اعتذاره لجميع الأمه العربيه المسلمه على الغلطه التي اقترفها وهو غير مدركا العواقب الوخيمه من جراء عمله هذا وإنشاء الله غدا الساعه الخامسه ‏​​​مساء سوف يتم أزاله تلك الشجره من قصر الأمارات وسيكون البث مباشرا على قناه الأمارات

اكبر وأغلى شجرة كريسمس.
الله عالعقل.
بدلا أن تحتوي بلادنا افضل ميتم أطفال نفتخر فيه فالعالم طلعنا بأكبر واغلى شجرة كريسمس مرصعه بالألماس تفوق ١١ مليون دولااااااار!!ع
الشعب محتج ومقهور الا سعادة صاحب المجوهرات الخوري. يتحجج انها مجرد دعاية.

البرودكات عن انتقاد شجرة كريسمس وصاحبها خوري متوقفا من امس. و بنت عم خوري ترسل برودكاست تتكلم فيه عن جهلنا في الدين وبان عمها يسعى في شغله. وانا نحت حسودين وغيورين. وانا ما انكر هالشي. وأوضح ان عيوننا على ديننا وعاداتنا وتقاليدنا، نحب ترتقي ونحب ان دولتنا تتميز بس بدون لا ننسى اللي تربينا عليه. الأجانب اللي هو هذا دينهم ماسوو اللي سويته. وفوق هذا خليتنا اظحوكه عند الغرب. يتساؤلوون كييييف اشهر شجرة كريسمس موجوده في بلاد عربيه

صديقتي في امريكا عيالها يصيحوون يحنون عليها انها تشتري شجرة كرسمس ويزينونها مثل كل أصدقائهم اللي في المدرسة وحلقت يمين انها ماتدخل البيت


ان شاء الله حد يتحرك ويقول شي ونفتك من
هالكابوس.

Dec 21 خلني اعيش سعيدة

مرحبا جميعا

اشتقتلكم!

اليوم بديت يومي غير

بوجه مبتسم و بروح جديدة

عرفت ان اللي يبي يعيش حياته بسعاده بيلقى كل مليون شي يفرحه

وعرفت ان اللي يبي يعيش حياته كئيب بيطلع مليون سبب يخليه تعيس

خلني اعيش سعيدة..

قمت اليوم بكل حماس ونشاط.. شلت بنتي وهيه نايمه حطيتها جنبي بالسرير وصحيتها شوي شوي وانا ابوسها واحضنها،،

نزلنا لحديقة البيت وفطرنا ،، اشوفها تلعب وتركض ورى الكورة وتشوتها وتناديني ماما ماما وانا كل مره اصورها وارسل صورة لأبوها

يتصل ابوها وأرد عليه.. وبين كل سالفه وسالفه يردد لي كلامه: لوتدرين كم انا فرحان ومستانس

تدخل عمتي الحوش، ومعاها أمها ( أمي العوده)

أمي العوده انسانه احبها وايد سوالفها تضحك وتونس،، حجمها صغير وصوتها واطي وايد.. سمعها ضعيف

هيه كبيره في السن وايد.. ومرات تيها حالات تنسى وايد ،، ونحن كل دقيقه نذكرها بأسامينا

أقولكم عن سالفه،،، بتهلكون من الضحك مره رحنا أنا وحمد لبيت أمي العودة نسلم عليها سلام الجمعه

سلمنا عليها وقعد حمد عدالها وانا مجابلتهم

حمد يسولف معاها ويضحك.. ويقولها عن شطانة بنتنا عليا

حمد: يدوه تذكرينها بنتي عليا..؟؟

أمي العوده تطالع حمد واطالعني

وتأشر علي وتقول: هيييييييييه ماشاالله ،، بنتك كبرت واستوت حرمه

انا هنيه كنت بموت من الظحك

وحمد يقول لااااااااااااا يدوووه هذي حرمتي مش بنتي!!!

وانا من يومها انادي حمد بابا لوووول

حمد يستانس لما اناديه بابا بس يعصب لما اناديه بابا العود لووووووول

مل هالمواقف وهالذكريات مع حمد وأهله تحسسني بالسعاده

وخلني اقولكم الحين أحلام سعيدة حبايبي سي يو تومورو احبكم جميعا

اين رحلت؟

يا جنينا سكنت وروحي. اين رحلت.
لا حول ولا قوة الا بالله.
وانا لله وانا اليه راجعون