معاي وحده من صديقات الجامعه

حبوبه وطيووبه.. بس فيها عيب الغيره وحب التملك

وللأسف انها طاحت علي

انا انسانه حره في اختيار صديقاتي ياحلوه

طبعا سعيده جدا انج صديقتي

بس ياحبيبتي لاتختارين لي صديقات

ولاتنصحيني بالكذب ان هذي بنت سيئه ،، او بنت نمامه،، او بنت كذابه او او او

اذا انا ماشفت بعيني او سمعت بإذني... ليش ابتعد عنها؟؟؟

اذا هي كانت انسانه جدا حبوبه ومحترمه ... لي اتركها

اذا انتي صار بينج وبينها موقف ترى انا مالي دخل.. والبنت ماضرتني

اكره البنت اللي احس من افعالها وتصرفاتها انها تحب تتملكني

ترى والله بتكرهيني فيج

المشكله انا ماودي اقولها هالكلام.. بس احاول اني اوصل لها الفكره

لاااااا تدخلين في علاقاتي،،، وصداقاتي

كوني ان عندي صديقات بويات،،، مش معناته ان كنت فيوم احبها ،،،

انا احترم انها كانت معاي فكلاس قبل... وكننا ندرس مع بعض

وانها كانت وايد تحترمني

وصدقييييييييينننننني

انا اخاف على نفسي واعرف مصلحتي اكثر منج

اشكرك وايد

بس فكيييني ولاتتحكمين فييييني

وشكرا

مقهووووووووره مقهووووووووووره!!!!

احس بموت بختنق

ودي اصرخ باعلى صووت

ودي امسك حد واخنقه

في بنت كانت "كانت" من اقرب الناس لي فهالدنيا

كنا بالنسبه لبعض القلب والرووح

ماعرف كيف اوصف علاقتنا ببعض بس كانت قويه جددا

المهم كبرنا تزوجنا في نفس السنه

وحملنا وربينا في نفس السنه

سبحان الله

بعد زواجها قامت تتغير ... مع انها عايشه قصة حب مع زوجها الا انها كله توصف حياتها بانها مليانه مشاكل وزعل

وان زوجها منغص عليها حياتها

قبل كم يوم اتصلت لي تصيييح ،تنووح وتقول تعالي طلعيني قبل لا ارتبك فعيالي جريمه وكان الوقت متاخر وفي الاجازه

ومعروفه دبي بزحمتها وخصوصا في الاجازات ،، وهالسبب كان مخوفني ان زوجي مايرضا

بس بعد محاولات مني وافق بشرط اني ما اتأخر

المهم مريت عليها ،،، درنا فالشوارع كانت تتكلم وتصيح وتفضفض ،طلعت كل اللي فخاطرها لحد ما ارتاحت

سمعتها بكل طولة بال

ووقفت معاها حتى بالافعال الغلط اللي دارت بينها وبين زوجها بس عشان ترتاح

المهم المشكله مش هنيه

اليووووم اكتشفت ان الحبيبه عازمه كل بنات الشله ،، في كوفي paul ياكلون وجبة الافطار مع بعض

انا مش هذا اللي مضايقني ولاني بموووت على الاكل

انا اللي قاهرني ان لما سألووها البنات وييييييييين ميثا؟! ليش مش موجوووده

قالت :

يوووووه مافينا على المصلحه الاجتماعية... مسويه ام العرييف تعرض جميعالمشاكل الزوجيه مع حلولها

الحين انا آم العرييييف!

الحين انا استويت ما اتكلم الا عن المشكلات الزوجيه!!

انا صرت ممله وما انعزم على طلعات مع الشله

،الحين انتي تبين تلغيني منها

نسيتي؟؟

نسيتي اللي كان موجوود يسمعج للصبح اذا بغيتي

نسيتي اللي خلا كل شي وراه بس لانج ضعيفه وتحتاجين احد يكون يمج؟؟؟

الشرهه مش علييج

الشرهه علي انا اللي خليت ريلي وعيالي وطلعت عنهم عشان اتحمل صراخج والصياح والدمووع والسب

انا الغلطانه اللي عورت قلبي بالهم ادور القالج حل ترقعين موقفج مع ريلج

ما اقووول الا ياخسارة

خساره اني كنت صديقتج فيوم من الاياام